بترجّاك تنساني
في يوم قلبي نادالي...... رديت عليه قللي شغلت بالي.... جرالك ايه
رد دمعه على سؤاــلي...... أقولك إيه حبــك الغالي ........اتجنى عليه
حبيبك بص للعالي...... والغدر فعنيـه
ضاعت امالك وآمالي......الدبلة بقت في ايديه
معرفتش مين أنا....ردت عليّة الجرااااااح اتمنى لحبيبك الهنا....لو من بين ايديك راح
ده عندك يوم المنى...أمّا تحضنه الأفراح وفات عاليوم ده سنة...وأنا وسط الجراح
فضلت وسط الضباب............. أدوّر عالقمر أتاريه فوق السحاب.... بيلعب ويّا القدر
جاني يوم دق الباب.......وعيونه غيمة مطر قللي راجع بعد غياب..لقلبك اللي صبر
أتاريني رحت للسراب....وتعبت من السفر واهه قلبي لقبك تاب....والحب ياما غفر
قلت رجع تاني النهار...ولكل طريق بداية وانت اللي قدت النار.... وكتبت لطريقنا النهاية
وياما قلبي احتار........ وكان هواك دوايا ودار الزمن دار ......وبقى دواااااااااااااااااك هوايا
انا فاكر يا حبيبي...شمس الاصيل .....كانت تواعدنا .......وفاكر يا حبيبي ...نجوم الليل .....كانت في ايدنا......وفاكر يا حبيبي..نهار وليل..... والحب واخدنا...لكن أنسى ازاي يا حبيبي سؤال المناديل...ليه بعدنا..ليه بعدنا
انت أحزاني فزماني.....وانت اللي رماني ...ودلوقتي راجع تاني... تسكن قلبي ووجداني...لا يا حبيبي لالالالالالالالا انا هنساااااك وبترجاك تنساني
انساني يا حبيبي انساني.....
كلمات كتبتها ايام الشباب زماااااااااان يارب تعجبكم
